ﻏﺼﮯ ﮐﯽ ﮐﯿﻤﺴﭩﺮﯼ

ﺟﻮﺷﺨﺺ ﻏﺼﮯ ﮐﯽ ﮐﯿﻤﺴﭩﺮﯼ ﮐﻮ ﺳﻤﺠﮭﺘﺎ ﮨﻮ ﻭﮦ ﺑﮍﯼ ﺁﺳﺎﻧﯽ ﺳﮯ ﻏﺼﮧ ﮐﻨﭩﺮﻭﻝ ﮐﺮ ﺳﮑﺘﺎ ﮨﮯ “ ﻣﯿﮟ ﻧﮯ ﭘﻮﭼﮭﺎ ” ﺳﺮ ﻏﺼﮯ ﮐﯽ ﮐﯿﻤﺴﭩﺮﯼ ﮐﯿﺎ ﮨﮯ؟ “
ﻭﮦ ﻣﺴﮑﺮﺍ ﮐﺮ ﺑﻮﻟﮯ ” ﮨﻤﺎﺭﮮ ﺍﻧﺪﺭ ﺳﻮﻟﮧ ﮐﯿﻤﯿﮑﻠﺰ ﮨﯿﮟ ‘ ﯾﮧ ﮐﯿﻤﯿﮑﻠﺰ ﮨﻤﺎﺭﮮ ﺟﺬﺑﺎﺕ ‘ ﮨﻤﺎﺭﮮ ﺍﯾﻤﻮﺷﻦ ﺑﻨﺎﺗﮯ ﮨﯿﮟ ‘ ﮨﻤﺎﺭﮮ ﺍﯾﻤﻮﺷﻦ ﮨﻤﺎﺭﮮ ﻣﻮﮈﺯ ﻃﮯ ﮐﺮﺗﮯ ﮨﯿﮟ ﺍﻭﺭ ﯾﮧ ﻣﻮﮈﺯ ﮨﻤﺎﺭﯼ ﭘﺮﺳﻨﯿﻠﭩﯽ ﺑﻨﺎﺗﮯ ﮨﯿﮟ “ ﻣﯿﮟ ﺧﺎﻣﻮﺷﯽ ﺳﮯ ﺍﻥ ﮐﯽ ﻃﺮﻑ ﺩﯾﮑﮭﺘﺎ ﺭﮨﺎ ‘ ﻭﮦ ﺑﻮﻟﮯ ” ﮨﻤﺎﺭﮮ ﮨﺮ ﺍﯾﻤﻮﺷﻦ ﮐﺎ ﺩﻭﺭﺍﻧﯿﮧ 12 ﻣﻨﭧ ﮨﻮﺗﺎ ﮨﮯ “ ﻣﯿﮟ ﻧﮯ ﭘﻮﭼﮭﺎ ” ﻣﺜﻼ “ ۔۔۔؟ ﻭﮦ ﺑﻮﻟﮯ ” ﻣﺜﻼً ﻏﺼﮧ ﺍﯾﮏ ﺟﺬﺑﮧ ﮨﮯ ‘ ﯾﮧ ﺟﺬﺑﮧ ﮐﯿﻤﯿﮑﻞ ﺭﯼ ﺍﯾﮑﺸﻦ ﺳﮯ ﭘﯿﺪﺍ ﮨﻮﺗﺎ ﮨﮯ ‘ ﻣﺜﻼً ﮨﻤﺎﺭﮮ ﺟﺴﻢ ﻧﮯ ﺍﻧﺴﻮﻟﯿﻦ ﻧﮩﯿﮟ ﺑﻨﺎﺋﯽ ﯾﺎ ﯾﮧ ﺿﺮﻭﺭﺕ ﺳﮯ ﮐﻢ ﺗﮭﯽ ‘ ﮨﻢ ﻧﮯ ﺿﺮﻭﺭﺕ ﺳﮯ ﺯﯾﺎﺩﮦ ﻧﻤﮏ ﮐﮭﺎ ﻟﯿﺎ ‘
ﮨﻤﺎﺭﯼ ﻧﯿﻨﺪ ﭘﻮﺭﯼ ﻧﮩﯿﮟ ﮨﻮﺋﯽ ﯾﺎ ﭘﮭﺮ ﮨﻢ ﺧﺎﻟﯽ ﭘﯿﭧ ﮔﮭﺮ ﺳﮯ ﺑﺎﮨﺮ ﺁ ﮔﺌﮯ ‘ ﺍﺱ ﮐﺎ ﮐﯿﺎ ﻧﺘﯿﺠﮧ ﻧﮑﻠﮯ ﮔﺎ ؟ ﮨﻤﺎﺭﮮ ﺍﻧﺪﺭ ﮐﯿﻤﯿﮑﻞ ﺭﯼ ﺍﯾﮑﺸﻦ ﮨﻮ ﮔﺎ ‘ ﯾﮧ ﺭﯼ ﺍﯾﮑﺸﻦ ﮨﻤﺎﺭﺍ ﺑﻠﮉ ﭘﺮﯾﺸﺮ ﺑﮍﮬﺎ ﺩﮮ ﮔﺎ ﺍﻭﺭ ﯾﮧ ﺑﻠﮉ ﭘﺮﯾﺸﺮ ﮨﻤﺎﺭﮮ ﺍﻧﺪﺭ ﻏﺼﮯ ﮐﺎ ﺟﺬﺑﮧ ﭘﯿﺪﺍ ﮐﺮ ﺩﮮ ﮔﺎ ‘ ﮨﻢ ﺑﮭﮍﮎ ﺍﭨﮭﯿﮟ ﮔﮯ ﻟﯿﮑﻦ ﮨﻤﺎﺭﯼ ﯾﮧ ﺑﮭﮍﮐﻦ ﺻﺮﻑ 12 ﻣﻨﭧ ﻃﻮﯾﻞ ﮨﻮ ﮔﯽ ‘ ﮨﻤﺎﺭﺍ ﺟﺴﻢ 12 ﻣﻨﭧ ﺑﻌﺪ ﻏﺼﮯ ﮐﻮ ﺑﺠﮭﺎﻧﮯ ﻭﺍﻟﮯ ﮐﯿﻤﯿﮑﻞ ﭘﯿﺪﺍ ﮐﺮ ﺩﮮ ﮔﺎ ﺍﻭﺭ ﯾﻮﮞ ﮨﻢ ﺍﮔﻠﮯ 15 ﻣﻨﭩﻮﮞ ﻣﯿﮟ ﮐﻮﻝ ﮈﺍﺅﻥ ﮨﻮ ﺟﺎﺋﯿﮟ ﮔﮯ ﭼﻨﺎﻧﭽﮧ ﮨﻢ ﺍﮔﺮ ﻏﺼﮯ ﮐﮯ ﺑﺎﺭﮦ ﻣﻨﭩﻮﮞ ﮐﻮ ﻣﯿﻨﯿﺞ ﮐﺮﻧﺎ ﺳﯿﮑﮫ ﻟﯿﮟ ﺗﻮ ﭘﮭﺮ ﮨﻢ ﻏﺼﮯ ﮐﯽ ﺗﺒﺎﮦ ﮐﺎﺭﯾﻮﮞ ﺳﮯ ﺑﭻ ﺟﺎﺋﯿﮟ ﮔﮯ “
ﻣﯿﮟ ﻧﮯ ﻋﺮﺽ ﮐﯿﺎ ” ﮐﯿﺎ ﯾﮧ ﻧﺴﺨﮧ ﺻﺮﻑ ﻏﺼﮯ ﺗﮏ ﻣﺤﺪﻭﺩ ﮨﮯ “ ﻭﮦ ﻣﺴﮑﺮﺍ ﮐﺮ ﺑﻮﻟﮯ ” ﺟﯽ ﻧﮩﯿﮟ ‘ ﮨﻤﺎﺭﮮ ﭼﮫ ﺑﯿﺴﮏ ﺍﯾﻤﻮﺷﻨﺰ ﮨﯿﮟ ‘ ﻏﺼﮧ ‘ ﺧﻮﻑ ‘ ﻧﻔﺮﺕ ‘ ﺣﯿﺮﺕ ‘ ﻟﻄﻒ ‏( ﺍﻧﺠﻮﺍﺋﮯ ‏) ﺍﻭﺭ ﺍﺩﺍﺳﯽ ‘ ﺍﻥ ﺗﻤﺎﻡ ﺍﯾﻤﻮﺷﻨﺰ ﮐﯽ ﻋﻤﺮ ﺻﺮﻑ ﺑﺎﺭﮦ ﻣﻨﭧ ﮨﻮ ﺗﯽ ﮨﮯ ‘ ﮨﻤﯿﮟ ﺻﺮﻑ ﺑﺎﺭﮦ ﻣﻨﭧ ﮐﯿﻠﺌﮯ ﺧﻮﻑ ﺁﺗﺎ ﮨﮯ ‘ ﮨﻢ ﺻﺮﻑ 12 ﻣﻨﭧ ﻗﮩﻘﮩﮯ ﻟﮕﺎﺗﮯ ﮨﯿﮟ ‘ ﮨﻢ ﺻﺮﻑ ﺑﺎﺭﮦ ﻣﻨﭧ ﺍﺩﺍﺱ ﮨﻮﺗﮯ ﮨﯿﮟ ‘ ﮨﻤﯿﮟ ﻧﻔﺮﺕ ﺑﮭﯽ ﺻﺮﻑ ﺑﺎﺭﮦ ﻣﻨﭧ ﮐﯿﻠﺌﮯ ﮨﻮﺗﯽ ﮨﮯ ‘ ﮨﻤﯿﮟ ﺑﺎﺭﮦ ﻣﻨﭧ ﻏﺼﮧ ﺁﺗﺎ ﮨﮯ ﺍﻭﺭ ﮨﻢ ﭘﺮ ﺣﯿﺮﺕ ﮐﺎ ﻏﻠﺒﮧ ﺑﮭﯽ ﺻﺮﻑ 12 ﻣﻨﭧ ﺭﮨﺘﺎ ﮨﮯ ‘
ﮨﻤﺎﺭﺍ ﺟﺴﻢ ﺑﺎﺭﮦ ﻣﻨﭧ ﺑﻌﺪ ﮨﻤﺎﺭﮮ ﮨﺮ ﺟﺬﺑﮯ ﮐﻮ ﻧﺎﺭﻣﻞ ﮐﺮ ﺩﯾﺘﺎ ﮨﮯ “ ﻣﯿﮟ ﻧﮯ ﻋﺮﺽ ﮐﯿﺎ ” ﻟﯿﮑﻦ ﻣﯿﮟ ﺍﮐﺜﺮ ﻟﻮﮔﻮﮞ ﮐﻮ ﺳﺎﺭﺍ ﺳﺎﺭﺍ ﺩﻥ ﻏﺼﮯ ‘ ﺍﺩﺍﺳﯽ ‘ ﻧﻔﺮﺕ ﺍﻭﺭ ﺧﻮﻑ ﮐﮯ ﻋﺎﻟﻢ ﻣﯿﮟ ﺩﯾﮑﮭﺘﺎ ﮨﻮﮞ ‘ ﯾﮧ ﺳﺎﺭﺍ ﺩﻥ ﻧﺎﺭﻣﻞ ﻧﮩﯿﮟ ﮨﻮﺗﮯ “ ﻭﮦ ﻣﺴﮑﺮﺍ ﮐﺮ ﺑﻮﻟﮯ ” ﺁﭖ ﺍﻥ ﺟﺬﺑﻮﮞ ﮐﻮ ﺁﮒ ﮐﯽ ﻃﺮﺡ ﺩﯾﮑﮭﯿﮟ ‘ ﺁﭖ ﮐﮯ ﺳﺎﻣﻨﮯ ﺁﮒ ﭘﮍﯼ ﮨﮯ ‘ ﺁﭖ ﺍﮔﺮ ﺍ ﺁﮒ ﭘﺮ ﺗﮭﻮﮌﺍ ﺗﮭﻮﮌﺍ ﺗﯿﻞ ﮈﺍﻟﺘﮯ ﺭﮨﯿﮟ ﮔﮯ ‘ ﺁﭖ ﺍﮔﺮ ﺍﺱ ﭘﺮ ﺧﺸﮏ ﻟﮑﮍﯾﺎﮞ ﺭﮐﮭﺘﮯ ﺭﮨﯿﮟ ﮔﮯ ﺗﻮ ﮐﯿﺎ ﮨﻮ ﮔﺎ ؟ ﯾﮧ ﺁﮒ ﭘﮭﯿﻠﺘﯽ ﭼﻠﯽ ﺟﺎﺋﮯ ﮔﯽ ‘ ﯾﮧ ﺑﮭﮍﮐﺘﯽ ﺭﮨﮯ ﮔﯽ ‘
ﮨﻢ ﻣﯿﮟ ﺳﮯ ﺯﯾﺎﺩﮦ ﺗﺮ ﻟﻮﮒ ﺍﭘﻨﮯ ﺟﺬﺑﺎﺕ ﮐﻮ ﺑﺠﮭﺎﻧﮯ ﮐﯽ ﺑﺠﺎﺋﮯ ﺍﻥ ﭘﺮ ﺗﯿﻞ ﺍﻭﺭ ﻟﮑﮍﯾﺎﮞ ﮈﺍﻟﻨﮯ ﻟﮕﺘﮯ ﮨﯿﮟ ﭼﻨﺎﻧﭽﮧ ﻭﮦ ﺟﺬﺑﮧ ﺟﺲ ﻧﮯ 12 ﻣﻨﭧ ﻣﯿﮟ ﻧﺎﺭﻣﻞ ﮨﻮ ﺟﺎﻧﺎ ﺗﮭﺎ ﻭﮦ ﺩﻭ ﺩﻭ ‘ ﺗﯿﻦ ﺗﯿﻦ ﺩﻥ ﺗﮏ ﻭﺳﯿﻊ ﮨﻮ ﺟﺎﺗﺎ ﮨﮯ ‘ ﮨﻢ ﺍﮔﺮ ﺩﻭ ﺗﯿﻦ ﺩﻥ ﻣﯿﮟ ﺑﮭﯽ ﻧﮧ ﺳﻨﺒﮭﻠﯿﮟ ﺗﻮ ﻭﮦ ﺟﺬﺑﮧ ﮨﻤﺎﺭﺍ ﻃﻮﯾﻞ ﻣﻮﮈ ﺑﻦ ﺟﺎﺗﺎ ﮨﮯ ﺍﻭﺭ ﯾﮧ ﻣﻮﮈ ﮨﻤﺎﺭﯼ ﺷﺨﺼﯿﺖ ‘ ﮨﻤﺎﺭﯼ ﭘﺮﺳﻨﯿﻠﭩﯽ ﺑﻦ ﺟﺎﺗﺎ ﮨﮯ ﯾﻮﮞ ﻟﻮﮒ ﮨﻤﯿﮟ ﻏﺼﯿﻞ ﺧﺎﻥ ‘ ﺍﻟﻠﮧ ﺩﺗﮧ ﺍﺩﺍﺱ ‘ ﻣﻠﮏ ﺧﻮﻓﺰﺩﮦ ‘ ﻧﻔﺮﺕ ﺷﺎﮦ ‘ ﻣﯿﺎﮞ ﻗﮩﻘﮩﮧ ﺻﺎﺣﺐ ﺍﻭﺭ ﺣﯿﺮﺕ ﺷﺎﮦ ﮐﮩﻨﺎ ﺷﺮﻭﻉ ﮐﺮ ﺩﯾﺘﮯ ﮨﯿﮟ “ ﻭﮦ ﺭﮐﮯ ﺍﻭﺭ ﭘﮭﺮ ﺑﻮﻟﮯ ” ﺁﭖ ﻧﮯ ﮐﺒﮭﯽ ﻏﻮﺭ ﮐﯿﺎ ﮨﻢ ﻣﯿﮟ ﺳﮯ ﺑﮯ ﺷﻤﺎﺭ ﻟﻮﮔﻮﮞ ﮐﮯ ﭼﮩﺮﻭﮞ ﭘﺮ ﮨﺮ ﻭﻗﺖ ﺣﯿﺮﺕ ‘ ﮨﻨﺴﯽ ‘ ﻧﻔﺮﺕ ‘ ﺧﻮﻑ ‘ ﺍﺩﺍﺳﯽ ﯾﺎ ﭘﮭﺮ ﻏﺼﮧ ﮐﯿﻮﮞ ﻧﻈﺮ ﺁﺗﺎ ﮨﮯ؟
ﻭﺟﮧ ﺻﺎﻑ ﻇﺎﮨﺮ ﮨﮯ ‘ ﺟﺬﺑﮯ ﻧﮯ ﺑﺎﺭﮦ ﻣﻨﭧ ﮐﯿﻠﺌﮯ ﺍﻥ ﮐﮯ ﭼﮩﺮﮮ ﭘﺮ ﺩﺳﺘﮏ ﺩﯼ ﻟﯿﮑﻦ ﺍﻧﮩﻮﮞ ﻧﮯ ﺍﺳﮯ ﻭﺍﭘﺲ ﻧﮩﯿﮟ ﺟﺎﻧﮯ ﺩﯾﺎ ﺍﻭﺭ ﯾﻮﮞ ﻭﮦ ﺟﺬﺑﮧ ﺣﯿﺮﺕ ﮨﻮ ‘ ﻗﮩﻘﮩﮧ ﮨﻮ ‘ ﻧﻔﺮﺕ ﮨﻮ ‘ ﺧﻮﻑ ﮨﻮ ‘ ﺍﺩﺍﺳﯽ ﮨﻮ ﯾﺎ ﭘﮭﺮ ﻏﺼﮧ ﮨﻮ ﻭﮦ ﺍﻥ ﮐﯽ ﺷﺨﺼﯿﺖ ﺑﻦ ﮔﯿﺎ ‘ ﻭﮦ ﺍﻥ ﮐﮯ ﭼﮩﺮﮮ ﭘﺮ ﮨﻤﯿﺸﮧ ﮨﻤﯿﺸﮧ ﮐﯿﻠﺌﮯ ﺩﺭﺝ ﮨﻮ ﮔﯿﺎ ‘ ﯾﮧ ﻟﻮﮒ ﺍﮔﺮ ﻭﮦ ﺑﺎﺭﮦ ﻣﻨﭧ ﻣﯿﻨﺞ ﮐﺮ ﻟﯿﺘﮯ ﺗﻮ ﯾﮧ ﻋﻤﺮ ﺑﮭﺮ ﮐﯽ ﺧﺮﺍﺑﯽ ﺳﮯ ﺑﭻ ﺟﺎﺗﮯ ‘ ﯾﮧ ﮐﺴﯽ ﺍﯾﮏ ﺟﺬﺑﮯ ﮐﮯ ﻏﻼﻡ ﻧﮧ ﺑﻨﺘﮯ ‘ ﯾﮧ ﺍﺱ ﮐﮯ ﮨﺎﺗﮭﻮﮞ ﺑﻠﯿﮏ ﻣﯿﻞ ﻧﮧ ﮨﻮﺗﮯ “ ﻣﯿﮟ ﻧﮯ ﻋﺮﺽ ﮐﯿﺎ ” ﺍﻭﺭ ﮐﯿﺎ ﻣﺤﺒﺖ ﺟﺬﺑﮧ ﻧﮩﯿﮟ ﮨﻮﺗﺎ “ ﻓﻮﺭﺍً ﺟﻮﺍﺏ ﺩﯾﺎ ” ﻣﺤﺒﺖ ﺍﻭﺭ ﺷﮩﻮﺕ ﺩﺭﺍﺻﻞ ﻟﻄﻒ ﮐﮯ ﻭﺍﻟﺪﯾﻦ ﮨﯿﮟ ‘ ﯾﮧ ﺟﺬﺑﮧ ﺑﮭﯽ ﺻﺮﻑ ﺑﺎﺭﮦ ﻣﻨﭧ ﮐﺎﮨﻮﺗﺎ ﮨﮯ ‘
ﺁﭖ ﺍﮔﺮ ﺍﺱ ﮐﯽ ﺑﮭﭩﯽ ﻣﯿﮟ ﻧﺌﯽ ﻟﮑﮍﯾﺎﮞ ﻧﮧ ﮈﺍﻟﯿﮟ ﺗﻮ ﯾﮧ ﺑﮭﯽ ﺑﺎﺭﮦ ﻣﻨﭧ ﻣﯿﮟ ﺧﺘﻢ ﮨﻮ ﺟﺎﺗﺎ ﮨﮯ ﻟﯿﮑﻦ ﮨﻢ ﺑﮯ ﻭﻗﻮﻑ ﻟﻮﮒ ﺍﺳﮯ ﺯﻟﻒ ﯾﺎﺭ ﻣﯿﮟ ﺑﺎﻧﺪﮪ ﮐﺮ ﮔﻠﮯ ﻣﯿﮟ ﻟﭩﮑﺎ ﻟﯿﺘﮯ ﮨﯿﮟ ﺍﻭﺭ ﯾﻮﮞ ﻣﺠﻨﻮﮞ ﺑﻦ ﮐﺮ ﺫﻟﯿﻞ ﮨﻮﺗﮯ ﮨﯿﮟ ‘ ﮨﻢ ﺍﻧﺴﺎﻥ ﺍﮔﺮ ﺍﺳﯽ ﻃﺮﺡ ﺷﮩﻮﺕ ﮐﮯ ﺑﺎﺭﮦ ﻣﻨﭧ ﺑﮭﯽ ﮔﺰﺍﺭ ﻟﯿﮟ ﺗﻮ ﮨﻢ ﮔﻨﺎﮦ ‘ ﺟﺮﻡ ﺍﻭﺭ ﺫﻟﺖ ﺳﮯ ﺑﭻ ﺟﺎﺋﯿﮟ ﻟﯿﮑﻦ ﮨﻢ ﯾﮧ ﻧﮩﯿﮟ ﮐﺮ ﭘﺎﺗﮯ ﺍﻭﺭ ﯾﻮﮞ ﮨﻢ ﺳﻨﮕﺴﺎﺭ ﮨﻮﺗﮯ ﮨﯿﮟ ‘ ﻗﺘﻞ ﮨﻮﺗﮯ ﮨﯿﮟ ‘ ﺟﯿﻠﯿﮟ ﺑﮭﮕﺘﺘﮯ ﮨﯿﮟ ﺍﻭﺭ ﺫﻟﯿﻞ ﮨﻮﺗﮯ ﮨﯿﮟ ‘ ﮨﻢ ﺳﺐ ﺑﺎﺭﮦ ﻣﻨﭧ ﮐﮯ ﻗﯿﺪﯼ ﮨﯿﮟ ‘ ﮨﻢ ﺍﮔﺮ ﮐﺴﯽ ﻧﮧ ﮐﺴﯽ ﻃﺮﺡ ﯾﮧ ﻗﯿﺪ ﮔﺰﺍﺭ ﻟﯿﮟ ﺗﻮ ﮨﻢ ﻟﻤﺒﯽ ﻗﯿﺪ ﺳﮯ ﺑﭻ ﺟﺎﺗﮯ ﮨﯿﮟ ﻭﺭﻧﮧ ﯾﮧ 12 ﻣﻨﭧ ﮨﻤﯿﮟ ﮐﮩﯿﮟ ﮐﺎ ﻧﮩﯿﮟ ﭼﮭﻮﮌﺗﮯ “ ۔
ﻣﯿﮟ ﻧﮯ ﺍﻥ ﺳﮯ ﻋﺮﺽ ﮐﯿﺎ ” ﺁﭖ ﯾﮧ ﺑﺎﺭﮦ ﻣﻨﭧ ﮐﯿﺴﮯ ﻣﯿﻨﯿﺞ ﮐﺮﺗﮯ ﮨﯿﮟ “ ﻭﮦ ﻣﺴﮑﺮﺍ ﮐﺮ ﺑﻮﻟﮯ ” ﻣﯿﮟ ﻧﮯ ﺍﺑﮭﯽ ﺁﭖ ﮐﮯ ﺳﺎﻣﻨﮯ ﺍﺱ ﮐﺎ ﻣﻈﺎﮨﺮﮦ ﮐﯿﺎ ‘ ﻭﮦ ﺻﺎﺣﺐ ﻏﺼﮯ ﻣﯿﮟ ﺍﻧﺪﺭ ﺩﺍﺧﻞ ﮨﻮﺋﮯ ‘ ﻣﺠﮫ ﺳﮯ ﺍﭘﻨﯽ ﻓﺎﺋﻞ ﻣﺎﻧﮕﯽ ‘ ﻣﯿﮟ ﻧﮯ ﺍﻧﮩﯿﮟ ﺑﺘﺎﯾﺎ ﻣﯿﮟ ﺁﭖ ﮐﯽ ﻓﺎﺋﻞ ﭘﺮ ﺩﺳﺘﺨﻂ ﮐﺮ ﮐﮯ ﻭﺍﭘﺲ ﺑﮭﺠﻮﺍ ﭼﮑﺎ ﮨﻮﮞ ﻟﯿﮑﻦ ﯾﮧ ﻧﮩﯿﮟ ﻣﺎﻧﮯ ‘ ﺍﻧﮩﻮﮞ ﻧﮯ ﻣﺠﮫ ﭘﺮ ﺟﮭﻮﭦ ﺍﻭﺭ ﻏﻠﻂ ﺑﯿﺎﻧﯽ ﮐﺎ ﺍﻟﺰﺍﻡ ﺑﮭﯽ ﻟﮕﺎﯾﺎ ﺍﻭﺭ ﻣﺠﮭﮯ ﻣﺎﮞ ﺑﮩﻦ ﮐﯽ ﮔﺎﻟﯿﺎﮞ ﺑﮭﯽ ﺩﯾﮟ ‘ ﻣﯿﺮﮮ ﺗﻦ ﻣﻦ ﻣﯿﮟ ﺁﮒ ﻟﮓ ﮔﺌﯽ ﻟﯿﮑﻦ ﻣﯿﮟ ﮐﯿﻮﻧﮑﮧ ﺟﺎﻧﺘﺎ ﺗﮭﺎ ﻣﯿﺮﯼ ﯾﮧ ﺻﻮﺭﺗﺤﺎﻝ ﺻﺮﻑ 12 ﻣﻨﭧ ﺭﮨﮯ ﮔﯽ ﭼﻨﺎﻧﭽﮧ ﻣﯿﮟ ﭼﭗ ﭼﺎﭖ ﺍﭨﮭﺎ ‘
ﻭﺿﻮ ﮐﯿﺎ ﺍﻭﺭ ﻧﻤﺎﺯ ﭘﮍﮬﻨﯽ ﺷﺮﻭﻉ ﮐﺮ ﺩﯼ ‘ ﻣﯿﺮﮮ ﺍﺱ ﻋﻤﻞ ﭘﺮ 20 ﻣﻨﭧ ﺧﺮﭺ ﮨﻮﺋﮯ ‘ ﺍﻥ 20 ﻣﻨﭩﻮﮞ ﻣﯿﮟ ﻣﯿﺮﺍ ﻏﺼﮧ ﺑﮭﯽ ﺧﺘﻢ ﮨﻮ ﮔﯿﺎ ﺍﻭﺭ ﻭﮦ ﺻﺎﺣﺐ ﺑﮭﯽ ﺣﻘﯿﻘﺖ ﭘﺮ ﭘﮩﻨﭻ ﮔﺌﮯ ‘ ﻣﯿﮟ ﺍﮔﺮ ﻧﻤﺎﺯ ﻧﮧ ﭘﮍﮬﺘﺎ ﺗﻮ ﻣﯿﮟ ﺍﻧﮩﯿﮟ ﺟﻮﺍﺏ ﺩﯾﺘﺎ ‘ ﮨﻤﺎﺭﮮ ﺩﺭﻣﯿﺎﻥ ﺗﻠﺦ ﮐﻼﻣﯽ ﮨﻮﺗﯽ ‘ ﻟﻮﮒ ﮐﺎﻡ ﭼﮭﻮﮌ ﮐﺮ ﺍﮐﭩﮭﮯ ﮨﻮ ﺟﺎﺗﮯ ‘ ﮨﻤﺎﺭﮮ ﺩﺭﻣﯿﺎﻥ ﮨﺎﺗﮭﺎ ﭘﺎﺋﯽ ﮨﻮ ﺟﺎﺗﯽ ‘ ﻣﯿﮟ ﺍﺱ ﮐﺎ ﺳﺮ ﭘﮭﺎﮌ ﺩﯾﺘﺎ ﯾﺎ ﯾﮧ ﻣﺠﮭﮯ ﻧﻘﺼﺎﻥ ﭘﮩﻨﭽﺎ ﺩﯾﺘﺎ ﻟﯿﮑﻦ ﺍﺱ ﺳﺎﺭﮮ ﻓﺴﺎﺩ ﮐﺎ ﺁﺧﺮ ﻣﯿﮟ ﮐﯿﺎ ﻧﺘﯿﺠﮧ ﻧﮑﻠﺘﺎ؟ ﭘﺘﮧ ﭼﻠﺘﺎ ﮨﻢ ﺩﻭﻧﻮﮞ ﺑﮯ ﻭﻗﻮﻑ ﺗﮭﮯ ‘ ﮨﻢ ﺳﺎﺭﺍ ﺩﻥ ﺍﭘﻨﺎ ﮐﺎﻥ ﭼﯿﮏ ﮐﺌﮯ ﺑﻐﯿﺮ ﮐﺘﮯ ﮐﮯ ﭘﯿﭽﮭﮯ ﺑﮭﺎﮔﺘﮯ ﺭﮨﮯ ﭼﻨﺎﻧﭽﮧ ﻣﯿﮟ ﻧﮯ ﺟﺎﺋﮯ ﻧﻤﺎﺯ ﭘﺮ ﺑﯿﭩﮫ ﮐﺮ ﻭﮦ ﺑﺎﺭﮦ ﻣﻨﭧ ﮔﺰﺍﺭ ﻟﺌﮯ ﺍﻭﺭ ﯾﻮﮞ ﻣﯿﮟ ‘ ﻭﮦ ﺍﻭﺭ ﯾﮧ ﺳﺎﺭﺍ ﺩﻓﺘﺮ ﮈﯾﺰﺍﺳﭩﺮ ﺳﮯ ﺑﭻ ﮔﯿﺎ ‘ ﮨﻢ ﺳﺐ ﮐﺎ ﺩﻥ ﺍﻭﺭ ﻋﺰﺕ ﻣﺤﻔﻮﻅ ﮨﻮ ﮔﺌﯽ “
ﻣﯿﮟ ﻧﮯ ﭘﻮﭼﮭﺎ ” ﮐﯿﺎ ﺁﭖ ﻏﺼﮯ ﻣﯿﮟ ﮨﺮ ﺑﺎﺭ ﻧﻤﺎﺯ ﭘﮍﮬﺘﮯ ﮨﯿﮟ “ ﻭﮦ ﺑﻮﻟﮯ ” ﮨﺮﮔﺰ ﻧﮩﯿﮟ ‘ ﻣﯿﮟ ﺟﺐ ﺑﮭﯽ ﮐﺴﯽ ﺟﺬﺑﮯ ﮐﮯ ﻏﻠﺒﮯ ﻣﯿﮟ ﺁﺗﺎ ﮨﻮﮞ ﺗﻮ ﻣﯿﮟ ﺳﺐ ﺳﮯ ﭘﮩﻠﮯ ﺍﭘﻨﺎ ﻣﻨﮧ ﺑﻨﺪ ﮐﺮ ﻟﯿﺘﺎ ﮨﻮﮞ ‘ ﻣﯿﮟ ﺯﺑﺎﻥ ﺳﮯ ﺍﯾﮏ ﻟﻔﻆ ﻧﮩﯿﮟ ﺑﻮﻟﺘﺎ ‘ ﻣﯿﮟ ﻗﮩﻘﮩﮧ ﻟﮕﺎﺗﮯ ﮨﻮﺋﮯ ﺑﮭﯽ ﺑﺎﺕ ﻧﮩﯿﮟ ﮐﺮﺗﺎ ‘ ﻣﯿﮟ ﺻﺮﻑ ﮨﻨﺴﺘﺎ ﮨﻮﮞ ﺍﻭﺭ ﮨﻨﺴﺘﮯ ﮨﻨﺴﺘﮯ ﮐﻮﺋﯽ ﺩﻭﺳﺮﺍ ﮐﺎﻡ ﺷﺮﻭﻉ ﮐﺮ ﺩﯾﺘﺎ ﮨﻮﮞ ‘ ﻣﯿﮟ ﺧﻮﻑ ‘ ﻏﺼﮯ ‘ ﺍﺩﺍﺳﯽ ﺍﻭﺭ ﻟﻄﻒ ﮐﮯ ﺣﻤﻠﮯ ﻣﯿﮟ ﻭﺍﮎ ﮐﯿﻠﺌﮯ ﭼﻼ ﺟﺎﺗﺎ ﮨﻮﮞ ‘ ﻏﺴﻞ ﮐﺮﻟﯿﺘﺎ ﮨﻮﮞ ‘ ﻭﺿﻮ ﮐﺮﺗﺎ ﮨﻮﮞ ‘ 20 ﻣﻨﭧ ﮐﯿﻠﺌﮯ ﭼﭗ ﮐﺎ ﺭﻭﺯﮦ ﺭﮐﮫ ﻟﯿﺘﺎ ﮨﻮﮞ ‘ ﺍﺳﺘﻐﻔﺎﺭ ﮐﯽ ﺗﺴﺒﯿﺢ ﮐﺮﺗﺎ ﮨﻮﮞ ‘
ﺍﭘﻨﯽ ﻭﺍﻟﺪﮦ ﯾﺎ ﺍﭘﻨﮯ ﺑﭽﻮﮞ ﮐﻮ ﻓﻮﻥ ﮐﺮﺗﺎ ﮨﻮﮞ ‘ ﺍﭘﻨﮯ ﮐﻤﺮﮮ ‘ ﺍﭘﻨﯽ ﻣﯿﺰ ﮐﯽ ﺻﻔﺎﺋﯽ ﺷﺮﻭﻉ ﮐﺮ ﺩﯾﺘﺎ ﮨﻮﮞ ‘ ﺍﭘﻨﺎ ﺑﯿﮓ ﮐﮭﻮﻝ ﮐﺮ ﺑﯿﭩﮫ ﺟﺎﺗﺎ ﮨﻮﮞ ‘ ﺍﭘﻨﮯ ﮐﺎﻥ ﺍﻭﺭ ﺁﻧﮑﮭﯿﮟ ﺑﻨﺪ ﮐﺮ ﮐﮯ ﻟﯿﭧ ﺟﺎﺗﺎ ﮨﻮﮞ ﯾﺎ ﭘﮭﺮ ﺍﭨﮫ ﮐﺮ ﻧﻤﺎﺯ ﭘﮍﮪ ﻟﯿﺘﺎ ﮨﻮﮞ ﯾﻮﮞ ﺑﺎﺭﮦ ﻣﻨﭧ ﮔﺰﺭ ﺟﺎﺗﮯ ﮨﯿﮟ ‘ ﻃﻮﻓﺎﻥ ﭨﻞ ﺟﺎﺗﺎ ﮨﮯ ‘ ﻣﯿﺮﯼ ﻋﻘﻞ ﭨﮭﮑﺎﻧﮯ ﭘﺮ ﺁ ﺟﺎﺗﯽ ﮨﮯ ﺍﻭﺭ ﻣﯿﮟ ﻓﯿﺼﻠﮯ ﮐﮯ ﻗﺎﺑﻞ ﮨﻮ ﺟﺎﺗﺎ ﮨﻮﮞ “ ﻭﮦ ﺧﺎﻣﻮﺵ ﮨﻮ ﮔﺌﮯ ‘ ﻣﯿﮟ ﻧﮯ ﻋﺮﺽ ﮐﯿﺎ ” ﺍﻭﺭ ﺍﮔﺮ ﺁﭖ ﮐﻮ ﯾﮧ ﺗﻤﺎﻡ ﺳﮩﻮﻟﺘﯿﮟ ﺣﺎﺻﻞ ﻧﮧ ﮨﻮﮞ ﺗﻮ ﺁﭖ ﮐﯿﺎ ﮐﺮﺗﮯ ﮨﯿﮟ “ ﻭﮦ ﺭﮐﮯ ‘ ﭼﻨﺪ ﻟﻤﺤﮯ ﺳﻮﭼﺎ ﺍﻭﺭ ﺑﻮﻟﮯ ” ﺁﺳﻤﺎﻥ ﮔﺮ ﺟﺎﺋﮯ ﯾﺎ ﭘﮭﺮ ﺯﻣﯿﻦ ﭘﮭﭧ ﺟﺎﺋﮯ ‘ ﻣﯿﮟ ﻣﻨﮧ ﻧﮩﯿﮟ ﮐﮭﻮﻟﺘﺎ ‘
ﻣﯿﮟ ﺧﺎﻣﻮﺵ ﺭﮨﺘﺎ ﮨﻮﮞ ﺍﻭﺭ ﺁﭖ ﯾﻘﯿﻦ ﮐﯿﺠﺌﮯ ﺳﻮﻧﺎﻣﯽ ﺧﻮﺍﮦ ﮐﺘﻨﺎ ﮨﯽ ﺑﮍﺍ ﮐﯿﻮﮞ ﻧﮧ ﮨﻮ ﻭﮦ ﻣﯿﺮﯼ ﺧﺎﻣﻮﺷﯽ ﮐﺎ ﻣﻘﺎﺑﻠﮧ ﻧﮩﯿﮟ ﮐﺮ ﺳﮑﺘﺎ ‘ ﻭﮦ ﺑﮩﺮﺣﺎﻝ ﭘﺴﭙﺎ ﮨﻮ ﺟﺎﺗﺎﮨﮯ ‘ ﺁﭖ ﺑﮭﯽ ﺧﺎﻣﻮﺵ ﺭﮦ ﮐﺮ ﺯﻧﺪﮔﯽ ﮐﮯ ﺗﻤﺎﻡ ﻃﻮﻓﺎﻧﻮﮞ ﮐﻮ ﺷﮑﺴﺖ ﺩﮮ ﺳﮑﺘﮯ ﮬﯿﮟ۔۔۔